ვაკანსიები

„რადიო თავისუფლება“ აცხადებს კონკურსს დილის ახალგაზრდული გადაცემის წამყვანების შესარჩევად

პროგრამა მზადდება რადიო თავისუფლების თბილისის ბიუროში.

კანდიდატებისგან მოველით აქტიურ ინტერესს მიმდინარე საზოგადოებრივ-პოლიტიკური მოვლენებისადმი, ჟურნალისტურ გამოცდილებას, სიუჟეტების მომზადებისა და მასალების რედაქტირების, აგრეთვე პირდაპირ ეთერში მუშაობის უნარს.

გადაცემის სპეციფიკიდან გამომდინარე, კონკურსში მონაწილეობისთვის ვიწვევთ 30 წლამდე ასაკის ახალგაზრდა ჟურნალისტებს.

კონკურსში მონაწილეობის მსურველებს ვთხოვთ, გამოგზავნონ CV, სამოტივაციო წერილი და საკონტაქტო ინფორმაცია შემდეგ ელექტრონულ მისამართზე: tavisupleba@rferl.org

შეტყობინების გამოგზავნის ბოლო ვადაა 24 ივლისი, პარასკევი, 2015.