განცხადებები / ანონსი

კომპანია SES-ი წარმოადგენს სატელიტური კვლევის უახლეს მონაცემებს

27 აპრილს, 12:00 საათზე, სასტუმრო „Rooms Tbilisi“-ში, გაიმართება პრეს-კონფერენცია, რომელიც ეძღვნება კომპანია SES-ის მიერ საქართველოში პირველად ჩატარებული სატელიტური კვლევის შედეგების გამოქვეყნებას 2015 წლისათვის.

SES-ის წარმომადგენლები გააკეთენ მოხსენებას და უპასუხებენ ჟურნალისტების შეკითხვებს:

-  ნილს-ფილიპ  აბრაჰამსონი, SES-ის გაყიდვების მენეჯერი, სკანდინავიის, ბალტიისპირეთის და აღმოსავლეთ ევროპის რეგიონში
-  რიკარდო ტოპჰემი,  SES-ის  ბაზრის მკვლევარი და უფროსი ბიზნეს-ანალიტიკოსი

შეხვედრის დროს განიხილება შემდეგი  საკითხები:
- ქართული სატელევიზიო ბაზარი 2015 წლის მონაცემები -ზოგადი მიმოხილვა და ძირითადი მიღწევები;
- კომპანია SES-ის მიერ ჩატარებული სატელიტური კვლევის უახლესი მონაცემები - ძირითადი შედეგები და ზოგადი მაჩვენებლები  საქართველოსა და მსოფლიოში;
ჟურნალისტების წინასწარი აკრედიტაცია სავალდებულოა
რეგისტრაციის დრო: 11:30 საათი.

ინფორმაცია SES-ის სატელიტური კვლევის შესახებ:

სატელიტური კვლევა არის სატელიტური ბაზრის ყოველწლიური  კვლევა, რომელსაც SES-ის ინიციატივით  დამოუკიდებელი ინსტიტუტები ახორციელებენ. SES-ის მიერ ინიცირებული სატელიტური კვლევები, მუდმივად ზომავს სამაუწყებლო ბაზრის განვითარების დონეს მაუწყებლობის და ფართოზოლოვანი სერვისების წვდომის კუთხით  SES-ის ევროპის სატელიტური ფლოტის დაფარვის ზონაში შემავალ  37 ქვეყანაში.

2015 წელს საქართველო პირველად შეუერთდა SES-ის  სატელიტურ კვლევაში მონაწილე ქვეყნების ჩამონათვალს.