ვაკანსიები

გრძელდება განაცხადების მიღება MEDIA.GE-ს მთავარი რედაქტორის პოზიციაზე

„ინტერნიუსი-საქართველოს“ პროექტი MEDIA.GE წარმოადგენს სამენოვან  ინტერნეტ-პორტალს, რომელიც აშუქებს საქართველოს და უცხოეთის მედიაში  მიმდინარე მოვლენებს. პროექტის მხარდამჭერები არიან  IREX-ის G-MEDIA პროგრამა, რომელიც დაფინანსებულია USAID-ის მიერ,  „ამერიკის წვლილი დემოკრატიაში“ (NED) და ფონდი “ღია საზოგადოება-საქართველო".

 „ინტერნიუსი-საქართველო“ აცხადებს ვაკანსიას   MEDIA.GE-ს მთავარი რედაქტორის პოზიციაზე.

მთავარი რედაქტორი ექვემდებარება „ინტერნიუს-საქართველოს“ აღმასრულებელ დირექტორს და ახორციელებს Media.Ge-ს  მენეჯმენტს. მთავარი რედაქტორი განსაზღვრავს Media.Ge -ს შინაარსს, ხელმძღვანელობს და კოორდინაციას უწევს მედიასფეროსთან დაკავშირებული ახალი ამბების დროულ მოპოვებას, მაღალპროფესიულ დონეზე რედაქტირებას და გამოქვეყნებას“.

მოვალეობები:

• ყოველდღიურად ადგენს ახალი ამბების გაშუქების პრიორიტეტებს;
• თავად არჩევს და იწონებს კორესპონდენტებისგან შემოთავაზებულ გასაშუქებელ თემებს;
• რედაქციის შტატიან და შტატგარეშე კორესპონდენტებს აძლევს დავალებებს;
• ახალი ამბებისა და სხვა რუბრიკებისთვის უკვეთავს და თავად წერს სტატიებს, რედაქტირებას უკეთებს კორესპონდენტების მიერ შექმნილ მასალებს;
• რედაქციის ხელთ არსებული მატერიალური რესურსების გათვალისწინებით,  ადგენს მულტიმედიური (ვიდეო, აუდიო) მასალების შექმნის გრაფიკს;
• წარმოადგენს MEDIA.GE -ს პარტნიორებთან და დონორებთან ურთიერთობაში;
• წერს განაცხადებს და პროგრამულ ანგარიშებს დონორებისთვის;
• მუდმივად ზრუნავს MEDIA.GE -ს შინაარსობრივ და გრაფიკულ განვითარებაზე;
• უზრუნველყოფს MEDIA.GE -ს სახსრების ხარჯვას დონორ(ებ)თან შეთანხმებული ბიუჯეტის მიხედვით.

 კომპეტენცია:

MEDIA.GE -ს მთავარი რედაქტორი უნდა აკმაყოფილებდეს შემდეგ მოთხოვნებს:

• კოორდინირებას უწევს პროექტის განხორციელების პროცესს;
• მაღალპროფესიულ დონეზე  ქმნის და არედაქტირებს ახალ ამბებს, ანალიტიკურ და სხვა სახის სტატიებს ქართულ ენაზე;
• აქვს კონტენტის მართვის სისტემებთან მუშაობის გამოცდილება, კარგად ფლობს ტექსტის რედაქტირების, ფოტოების რედაქტირების და სხვა ძირითად  საოფისე პროგრამებს;
• კარგად ფლობს (წერა და მეტყველება) ინგლისურ და რუსულ ენებს.

დამატებითი მოთხოვნები:

• მედიამენეჯერად, რედაქტორად ან ჟურნალისტად მუშაობის გამოცდილება, სტაჟირება რომელიმე დიდ მედია დაწესებულებაში საქართველოში ან მის ფარგლებს გარეთ.
• მაგისტრის ხარისხი ჟურნალისტიკაში, საერთაშორისო ურთიერთობებში, პოლიტიკურ მეცნიერებებში ან სხვა მომიჯნავე დარგში.

საგანაცხადო დოკუმენტები (ქართულ ენაზე):

• კანდიდატის რეზიუმე (CV);
• სამოტივაციო წერილი (არა უმეტეს 150 სიტყვისა);
• ორი რეკომენდაცია.

განაცხადების მიღების ბოლო ვადაა 18 ნოემბერი, 2011 წელი.

განაცხადები  უნდა გაგზავნოთ ელ.მისამართზე: kakulia@internews.ge, ან წარადგინოთ „ინტერნიუსი-საქართველოს" ოფისში, მისამართზე: პაოლო იაშვილის ქ. 14/22.
ტელ: 832 292-3396/97.

„ინტერნიუსი-საქართველო"  გასაუბრებისთვის დაუკავშირდება მხოლოდ შერჩეულ კანდიდატებს.

სატელეფონო კონსულტაციები არ გაიმართება.