ტელეკომპანია „რუსთავი 2"-ის გენერალური დირექტორი ნიკა გვარამია კომუნიკაციების ეროვნულ კომისიას (GNCC) „მაუწყებლობის შესახებ" კანონის არასწორ ინტერპრეტაციაში ადანაშაულებს და მიიჩნევს, რომ ეს უწყება უკანონოდ ცდილობს ტელეკომპანიების მძიმე მდგომარეობაში ჩაგდებას. ეს განცხადება ნიკა გვარამიამ 29 ნოემბერს „ფრონტლაინ ჯორჯიაში" გამართულ თბილისის მედიაკონფერენციაზე გააკეთა. 

გვარამიას უკმაყოფილებას იწყვეს კომისიის მიერ დადგენილი ფინანსური ანგარიშგების ფორმები, სადაც მაუწყებლები ვალდებულნი არიან მარეგულირებელ ორგანოს წარუდგინონ დეტალური ინფორმაცია ტელეკომპანიის მიერ მიღებული შემოსავლების შესახებ, მათ შორის რეკლამიდან, სპონსორობიდან, დამფუძნებლების შემოწირულობებიდან და სხვა ტიპის შემოსავლებიდან. კომისია კი ვალდებულია ანგარიშგების ფორმები გაასაჯაროვოს.