"ინტერნიუსი-საქართველოს"  პროექტი - სამენოვანი მედია-პორტალი MEDIA.GE - 2005 წლის აგვისტოდან ხორციელდება. ვებ-გვერდი სამენოვანია და ინფორმაციას ქართულ, რუსულ და ინგლისურ ენებზე ავრცელებს. Media.Ge პირველი და, ჯერჯერობით, ერთადერთი ქართული რესურსია, რომლის ინტერესის სფეროს მხოლოდ საქართველოს მედია წარმოადგენს. 

Media.Ge-ს ყოველდღიურ ინფორმაციებს ჩვენი კორესპონდენტები მოიპოვებენ. გარდა ამისა, ვიყენებთ საქართველოსა და უცხოეთის საინფორმაციო საშუალებების მიერ გავრცელებულ მასალებს; საერთაშორისო მედია გაერთიანებების, სხვა საერთაშორისო ორგანიზაციებისა თუ სახელმწიფო ორგანოების განცხადებებსა და პრეს-რელიზებს.

პროექტის მიზანს წარმოადგენს, ერთის მხრივ, საქართველოს მედია პროფესიონალებსა და, მეორეს მხრივ, ადგილობრივ/საერთაშორისო მედია განვითარებისა და საზოგადოებირივი ორგანიზაციების წარმომამდგენლებს შორის ინფორმაციის გაცვლის ეფექტური სისტემის დანერგვა.

პროექტის ავტორებს  ასევე მიაჩნიათ, რომ ვებ-გვერდი Media.Ge თავისი არსებობით, ხელს უწყობს: დამოუკიდებელი საინფორმაციო საშუალებების მდგრადობას და განვითარებას; ჟურნალისტთა უფლებებისა და თავისუფლებების დაცვას; მათი პროფესიული ინტერესების დაკმაყოფილებას; სოლიდარობის გაღრმავებას ქართულ მედია თანამეგობრობაში; მსოფლიოს ინფორმირებას საქართველოს მედიაში მიმდინარე მოვლენების შესახებ.

მიმდინარე პროექტის მხარდამჭერები არიან: ფონდი "ღია საზოგადოება-საქართველო" (OSGF) ,  ნაციონალური ფონდი დემოკრატიისათვის (NED) და საერთაშორისო კვლევისა და გაცვლების საბჭო (IREX)